रायपुर / देहरादून (विशेष संवाददाता):
हमर देश के पारंपरिक रसोई म प्रकृति के हर चीज के उपयोग करे के अनोखा कला हे। एकर सबले सुघ्घर अऊ जीता-जागता उदाहरण हे छत्तीसगढ़ के ‘पोंगा बरी’ अऊ ओकर सगा बहिनी कस उत्तराखंड के ‘नाल बरी’। दूनो राज्य के बीच हजारों किलोमीटर के दूरी होय के बाद घलो इहां के बहिनी मन के रसोई अऊ पारंपरिक हुनर म गजब के समानता हे। जिहां हमर छत्तीसगढ़ म आंगनबाड़ी अऊ गांव के बहिनी मन जिमी कांदा (सूरन) के डंठल ले सुवादिष्ट पोंगा बरी बनाथें, उहें उत्तराखंड के पहाड़ म कोचई (अरबी) के डंठल ले नाल बरी तियार करे जाथे।

छत्तीसगढ़ के अनमोल स्वाद: जिमी कांदा के ‘पोंगा बरी’

छत्तीसगढ़ म जिमी कांदा ला ‘राजा साग’ माने जाथे, अऊ एकर डंठल (पोंगा) ले बने बरी सबो बरी मन म सबले खास होथे। एला कई जगह लेड़गा बरी घलो कहिथें।

  • सामग्री: जिमी कांदा के ताजा मोट डंठल (पोंगा), रात भर भिंगोए उरीद दार, हींग, अदरक, लसुन, जीरा, काली मिर्च अऊ सूखा लाल मिरचा।
  • बनाय के खास तरीका: जिमी कांदा के डंठल म खुजली होय के डर रहिथे, तेकर सेती बहिनी मन हाथ म सरसों तेल लगा के डंठल ला छीलथें। छीले के बाद एला कद्दूकस करके या दरदरा पीस के, खूब फेंटे हुए उरीद दार अऊ मसाला संग मिलाए जाथे। जब दार पानी म उफलाय (तैरने) लगथे, तब पर्रा म छोटे-छोटे बरी पार के ४-५ दिन कड़क घाम म सुखाए जाथे।

उत्तराखंड के पहाड़ी सौगात: ‘नाल बरी’

जइसन छत्तीसगढ़ म पोंगा बरी बनथे, वइसने ओकर सगा बहिनी कस उत्तराखंड म कोचई (अरबी) के खोखला डंठल यानी ‘नाल’ ले नाल बरीबनाए जाथे।

  • सामग्री: कोचई के छीले हुए डंठल (नाल), उरीद दार, हींग, पहाड़ी मसाला (जखिया, काली मिर्च, लौंग, धनिया) अऊ अदरक।
  • बनाय के खास तरीका: इहां डंठल ला पीसे के बजाय रस्सी म टांग के ओकर ऊपर फेंटे हुए उरीद दार के मोट परत लपेटे जाथे। एक दिन घाम म सुखाए के बाद एला गोल-गोल चकरी कस काट के पूरा सुखाए जाथे।

पोषण अऊ आंगनबाड़ी बहिनी मन के हुनर

आंगनबाड़ी कार्यकर्ता अऊ स्व-सहायता समूह (SHG) के बहिनी मन बताथें कि बिना कोनो रासायनिक खाद के उगे जिमी कांदा के पोंगा बरी म भरपूर फाइबर अऊ आयरन रहिथे। बरसात अऊ जाड़ के दिन म जब हरियर साग-भाजी कम होथे, तब ये सुखाए हुए बरी मन साल भर परिवार ला पौष्टिक भोजन देथे। आज हमर छत्तीसगढ़ के आंगनबाड़ी बहिनी मन यह पारंपरिक व्यंजन के माध्यम ले कुपोषण दूर करे के संग-संग आत्मनिर्भरता के नवां रद्दा घलो देखावत हें।

By Pooja Patel

प्रोड्यूसर एंड सब एडिटर डेली हिन्दी मिलाप हैदराबाद, दैनिक भास्कर, नई दुनिया, भास्कर भूमि, राजस्थान पत्रिका में 14 वर्ष का कार्यानुभव

Leave a Reply

Your email address will not be published. Required fields are marked *